Farg‘ona tumanining “Kaptarxona”, “Mehnatobod” va “Barqaror hamjihatlik” mahalla fuqarolar yig‘inlari yoshlar etakchilari tashabbusi bilan “Dolzarb 90 kun” hamda “Yoshlar oyligi” doirasida “Kaptarxona” madaniyat uyida “Yoshlar oqshomi” nomli konsert dasturi tashkil etildi. Mazkur tadbir aholi, ayniqsa, yoshlarning bo‘sh vaqtini mazmunli tashkil etish, ularning madaniy hordiq chiqarishini ta‘minlashga qaratildi. Kechada uch mahallaning yoshlari, faxriylar hamda keng jamoatchilik vakillari ishtirok etdi. Konsert dasturida mahalliy taniqli san‘atkorlar, xonandalar va ijodkorlar o‘z chiqishlari bilan tomoshabinlarga ko‘tarinki kayfiyat ulashdi. Tadbir yakunida “Yoshlar oyligi” doirasida faol ishtirok etgan yoshlar tashkilotchilar tomonidan esdalik sovg‘alari bilan taqdirlandi.