Олтиариқ туман Усмонобод МФЙда яшовчи Мадалиевлар хонадонида бу йил биринчи марта ипак қурти парваришланди. Хавас ва хафсала билан қилинган меҳнат қисқа вақт ичида натижасини берди. "Кумуш тола" деб эътироф этиладиган пилладан 250 килога етказиб сифатли ҳосил олинди. - Шу пайтгача умуман ипак қурти боқмагандик. Турмуш ўртоғимнинг қистови билан бу ишга қўл урдим. Машаққатлар ортда қолди. Марвариддай пиллаларни кўрганда бир қувонган бўлсам, хосилни тарозига қўйганда янада чарчоғим чиқди, меҳнатимиз баракали бўлди,-дейди хонадон соҳиби.