Fuqarolar yig‘inlari raislari sayloviga tayyorgarlik ko‘rish yuzasidan amalga oshirilayotgan ishlar saylovga ko‘maklashuvchi komissiya o‘rganilmoqda Xalq deputatlari Quvasoy shahar Kengashining 2025-yil 4-mart kungi “Fuqarolar yig‘inlari raislari sayloviga tayyorgarlik ko‘rish hamda uni o‘tkazishga ko‘maklashish to‘g‘risida”gi VII-5-20-11-167-K/25-sonli qarori qabul qilingan. Mazkur qaror ijrosini ta’minlash maqsadida, hudud deputatlari tomonidan saylov o‘tkazish uchastkalarida o‘rganish ishlari olib borilmoqda. Xususan, bugungi o‘rganishlar Isfayramsoy, Kokilon, Polmon va Ziynat mahalla fuqarolar yig‘inlaridagi saylov uchastkalarida o‘tkazildi. Saylovga ko‘maklashuvchi komissiya a’zolari tomonidan saylovga tayyorgalik ko‘rish yuzasidan zaruriy ko‘rsatma va tavsiyalar berildi. Quvasoy shahar hokimligi Axborot xizmati