Ўзбекистон тумани ҳокимининг капитал қурилиш ва коммуникациялар масалалари бўйича ўринбосари Шерзодбек Исмоилов ҳамда туман ҳокимининг инвестисия масалалари бўйича ўринбосари Жахонгир Акрамов бошчилигидаги бир гуруҳ тадбиркорлардан иборат делегация айни кунларда ҳудудлараро инвестисиявий ва савдо-иқтисодий ҳамкорлик алоқаларини кенгайтириш мақсадида амалий ташриф билан Хитой давлатида бўлиб турибди. Туманимиз делегацияси Урумчи шаҳридаги бир қатор йирик саноат корхоналари фаолияти билан яқиндан танишдилар. Ташриф давомида Ўзбекистон тумани тадбиркорлари ҳамда хитойлик ишбилармонлар ўртасидаги ҳамкорликни янги босқичга олиб чиқишга ҳизмат қилувчи инвестисия лойиҳалари ва келишувларга эришиш мақсад қилинган. Айни пайтда туман делегацияси томонидан бу борада самарали музокаралар олиб борилмоқда.