Mahalla ettiligi xodimlari faoliyatidagi huquqiy muammolarni bartaraf etishga qaratilgan o‘quv-seminar tashkil etildi. Mazkur tadbirda Farg‘ona tumani hokimi Xamidullo Inomov, tuman hokimi o‘rinbosarlari, O‘zbekiston “Mahalla” uyushmasining tuman bo‘limi, “Inson” ijtimoiy xizmatlar markazi, Oila va xotin-qizlar bo‘limi rahbarlari, mahalla raislari, xotin-qizlar faollari hamda ijtimoiy xodimlar ishtirok etdilar. Seminar davomida mahallalardagi huquqiy ishlarni tashkil etish, fuqarolarning murojaatlari bilan ishlashda yo‘l qo‘yilayotgan xatolar va ularni bartaraf etish yo‘llari muhokama qilindi. Mutaxassislar tomonidan amaliy maslahatlar, qonunchilikdagi yangiliklar va normativ hujjatlarning amaliyotdagi o‘rni haqida atroflicha ma‘lumotlar berildi.