Xabaringiz bor viloyatimizda 2025-yil kitobxonlik yili deb e’lon qilinib, bir qator chora-tadbirlar belgilab olingan. Ushbu kitobxonlik yilini munosib o‘tkazish bo‘yicha Qo‘shtepa tumanida ham bir qator ijobiy va amaliy ishlar amalga oshirilmoqda. “Qorajiyda” mahallasida aholi o‘rtasida kitobxonlikni targ‘ib etish, yosh avlod qalbida vatanparvarlik hissini yuksaltirish, joylarda ma’naviy-ma’rifiy ishlar ta’sirchanligini oshirishga qaratilgan “Bolalarga ma’rifat ulashamiz” loyihasi o‘tkazildi. Loyiha doirasida mahalladagi serfarzand oila farzandlariga turli xil mavzudagi ijtimoiy-siyosiy, ma’naviy-ma’rifiy kitoblar tarqatildi.