Vazirlar Mahkamasi qarori asosida 2022 yildan boshlab yurtimizda iqtidorli yoshlarning tashabbuslarini qo‘llab – quvvatlash maqsadida “Mirzo Ulug‘bek vorislari” Respublika tanlovini o‘tkazish yaxshi an’anaga aylandi. O‘zbekiston tumanidagi 1-sonli politexnikumida ayni tanlovning tuman bosqichi o‘tkazildi. Tanlovda o‘ttizdan ziyod iqtidorli hamda tashabbuskor yoshlar o‘zlarining ta’lim, ekologiya, qishloq xo‘jaligi va texnologiya kabi sohalarga oid yangi innovasion g‘oya, loyihalarini ko‘rgazmali taqdimot qildilar. Eng yuqori ball to‘plagan 5 nafar ishtirokchilar hay’at a’zolarining xulosasiga asosan tanlovning viloyat bosqichiga yo‘llanmani qo‘lga kiritdi.