O‘zbekiston tumanida Xitoyning “Tangshan Shengxu CO Ltd” kompaniyasi vakillari bilan uchrashuv bo‘lib o‘tdi. Kompaniya vakillarini tuman hokimining kapital qurilish va kommunikatsiyalar masalalari bo‘yicha o‘rinbosari Sherzodbek Ismoilov va tuman hokimining investisiya masalalari bo‘yicha o‘rinbosari Jaxongir Akramovlar qabul qildi. Uchrashuvda Xitoy kompaniyasi tomonidan Sho‘rsuv sanoat zonasida ohak va gips mahsulotlarini ishlab chiqarish investision loyihasi muhokama qilindi. Loyiha qiymati 3,5 mln dollarni tashkil etib, uni amalga oshirish bilan bog‘liq masalalar yuzasidan dastlabki kelishuvga erishildi.