Ma’lumki, Prezidentimizning “Yoshlarning sport bilan muntazam shug‘ullanishi uchun qo‘shimcha shart-sharoitlar yaratish to‘g‘risida”gi qaroriga ko‘ra, haftaning har payshanba kuni jismoniy tarbiya va sport kuni sifatida belgilandi. Ushbu kunda O‘zbekiston tumanidagi mehnat jamoalari, maskan va mahallalarda ommaviy jismoniy tarbiya tadbirlari o‘tkazib kelinmoqda. Bugun erta tongdan tuman tibbiyot birlashmasida navbatdagi ana shunday sport mashg‘ulotlari tashkillanib, unda tuman hokimining o‘rinbosari Muslimbek Ahmedov, ma’naviyat va ma’rifat markazi bo‘linmasi mas’ullari, birlashma mutasaddi rahbar va xodimlari qatnashdi. Sport maktabi murabbiylari jalb etilgan jarayonlarda ishtirokchilar piyoda yurish va badantarbiya mashg‘ulotlarini faol bajardilar. Ertalabki sport mashqlari barchaga ko‘tarinkilik va yuqori kayfiyat bag‘ishladi.