O‘zbekiston tumanida ichki xo‘jalik va umumiy foydalanishdagi avtomobil yo‘llari infratuzilmasini yaxshilash tadbirlari amalga oshirilmoqda. Shu maqsadda, "O‘qchi" mahallasida joylashgan, tuman yo‘llardan foydalanish davlat muassasasi tasarrufidagi 40V064 “Yaypan-O‘qchi-Shoimbek” avtomobil yo‘lining 2 ming 600 kv metrdan ziyod qismi ta’mirlanib, asfaltlandi. Yo‘llar ravonligini ta’minlash orqali aholi va haydovchilarga qulaylik yaratish, sohadagi muammolarni bartaraf etishga qaratilgan manzilli tadbirlar joylarda davom etmoqda.