Markaziy saylov komissiyasining 2025 yil 6 maydagi «Ayrim bo‘shab qolgan o‘rinlarga mahalliy Kengashlar deputatlarining saylovini tayinlash to‘g‘risida»gi 1438-sonli qaroriga asosan Xalq deputatlari O‘zbekiston tumani Kengashiga 2-Nursux saylov okrugida bo‘shab qolgan deputatlik o‘riniga 2025 yil 15 iyun (yakshanba) kuni saylov o‘tkazilishi belgilangan. Saylovga tayyorgarlik ko‘rish va uni o‘tkazishga doir barcha tadbirlarda qatnashish uchun ommaviy axborot vositalari vakillarini tuman saylov komissiyasiga 2025 yil 9 iyunga qadar murojaat etishlari mumkinligini ma’lum qilamiz.