✅Xabaringiz bor, joriy yilning 14-fevral kuni davlatimiz rahbari ishtirokida yoshlar bilan o‘tkazilgan ochiq muloqotda bir qator muhim tashabbuslar ilgari surilgan edi. Ushbu tashabbuslarning huquqiy asosini mustahkamlash maqsadida 26-mart kuni PF-61-sonli Prezident farmoni qabul qilinib, tashkilotlar va rahbarlar zimmasiga aniq vazifalar yuklatildi. 🔊Shuningdek, 60-, 61- va 62-son Prezident qarorlari imzolanib, yoshlarning bandligini ta’minlash, tadbirkorlik faoliyatini qo‘llab-quvvatlashga doir keng ko‘lamli imkoniyatlar yaratildi. 🔵Mazkur yo‘nalishlar ijrosi va kelgusidagi rejalarni muhokama qilish maqsadida mahallalarda yoshlar bilan ishlashni muvofiqlashtirish bo‘yicha Quvasoy shahar komissiyasi yig‘ilishi o‘tkazildi. Unda huquq tartibot idoralari hamda tegishli tashkilot rahbarlari ishtirok etdi. 🗣Yig‘ilishda alohida ishlash talab etiladigan yoshlar, jumladan, ishsiz yoshlarni rahbarlarga biriktirish, “Shijoat va g‘ayrat” harbiy-sport musobaqalari hamda yoshlar tadbirkorligini rivojlantirishga doir masalalar atroflicha muhokama qilindi.