Bugun So'x tumani axborot-kutubxona markazida V Respublika “Kitobxonlik haftaligi”ni samarali tashkil etish va unga barchani jalb etishga doir tadbir tashkil etildi. "O'zbekiston – kitobxonlar yurti" shiori ostida o'tkaziladigan mazkur haftalik ma'naviy-ma'rifiy muhitni yanada boyitish, kitob o'qish madaniyatini keng omma orasida targ'ib qilishga qaratilganligi qayd etildi. Haftalik doirasida turli madaniy-ma'rifiy tadbirlar — yozuvchi va shoirlar bilan adabiy uchrashuvlar, davra suhbatlari, mahorat darslari, kitob taqdimotlari, kitob yarmarkalari, ko'rgazmalar hamda kitobxonlikni targ'ib etuvchi aktsiyalar o'tkazilishi rejalashtirilgan. Bugun tumanimizning 3, 22, 28-sonli umumiy o'rta ta'lim maktablarida “Kitobxonlik haftaligi” doirasida “O'ekiston kitobxonlar yurti”, “Biz har kuni kitob o'qiymiz” shiori ostidagi tadbirlar tashkil etildi. So'x tumani hokimligi Axborot xizmati