Fargʻona viloyati hokimi Xayrullo Bozorov Buvayda tumaniga tashrifi chogʻida Oʻzbekiston U-17 terma jamoasi hujumchisi Asilbek Aliyevning ota-onasi bilan uchrashib, ularning farzandi xalqaro maydonlardagi yutuqlari uchun samimiy minnatdorchilik bildirdi. Viloyat rahbari sportchining muvaffaqiyatida ota-onaning tarbiyasi va qo‘llab-quvvatlovi muhim o‘rin tutganini ta’kidladi. Asilbekning yutuqlari yoshlar uchun faxr va ibrat namunasi ekanligi qayd etildi.