O‘zbekiston tumanida og‘ir hudud toifasiga kiritilgan mahallalardagi mavjud muammolar “Kambag‘allikdan farovonlik sari” dasturi doirasida ijobiy hal etilmoqda. Jumladan, 610 ta xonadonda 3 ming 100 nafardan ziyod aholi istiqomat qiladigan “Zinasha” mahalla fuqarolar yig‘inida ayni kunlarda elektr energiyasi ta’minotini yaxshilashga qaratilgan loyiha amalga oshirilmoqda. Loyiha ko‘ra o‘rnatilishi belgilangan 200 dan ziyod yangi beton tayanchlaridan 50 ga yaqini hududga o‘rnatildi. Kelgusida yangi transformatorlar o‘rnatish va havo tarmoqlarini tortish ham ko‘zda tutilgan. Shuningdek, dastur doirasida mahallada yo‘l infratuzilmasini yaxshilash ishlari ham olib boriladi. Og‘ir hudud toifasidagi mahallalar infratuzilmasini yaxshilash orqali aholi farovonligini oshirishga qaratilgan amaliy ishlar davom etmoqda.