O‘z vaqtida to‘lanmagan soliq to‘lovlari uchun keyinchalik penya va qo‘shimcha to‘lovlar bilan undirib olinishi haqida barcha tadbirkorlik sub’yektlari ma’lumotga egalar. Lekin, faoliyati bo‘rdoqichilikka asoslangan O‘zbekiston tumanidagi “AT” fermer xo‘jaligi tomonidan 46,2 mln. so‘m soliq qarzi to‘lanmaganligi natijasida tuman Soliq inspesiyasining qarori Byuroning O‘zbekiston tumani bo‘limi ish yurituviga 06.01.2025 yil kuni kelib tushdi. Davlat ijrochisi tomonidan belgilangan ixtiyoriy muddat davomida qarzdorlikni barataraf etish harakatlari amalga oshirilmaydi. Majburiy ijro harakatlari davomida fermer ho‘jaligining chet el pul o‘tkazmalarini amalga oshirish imkoniyatlari to‘liq cheklanadi. Natijada, qarzdor chet eldagi hamkorlari bilan savdo aloqalarini davomiyligini ta’minlash, uning kelgusidagi tadbirkorlik faoliyati poydevori ekanligini to‘g‘ri anglab, 46,2mln. so‘m soliq qarzi va unga mutanosib ravishda qo‘llanilgan ijro yig‘imi to‘ladi. Buning natijasida ijro hujjati ijrosi amalda ta’minlandi. Majburiy ijro byurosi O‘zbekiston tumani bo‘limi