“Dolzarb 90 kun” loyihasi doirasida yoshlarning bo‘sh vaqtini mazmunli o‘tkazish va ularni vatanparvarlik ruhida tarbiyalash maqsadida qator tadbirlar amalga oshirilmoqda. Surxtepa, Navbahor, Barkamol va Xo‘jamag‘iz mahallalarida yoshlar yetakchilari tomonidan mahalla yoshlari harbiylashgan ot sporti mashg‘ulotlariga jalb etildi. Bu orqali yoshlarning jismoniy tayyorgarligi oshib, ular mardlik va jasorat ruhida tarbiyalanmoqda. Bunday tashabbuslar yosh avlodni sog‘lom va vatanparvar etib tarbiyalashda muhim ahamiyat kasb etadi.