Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон тумани далаларида замонавий суғориш технологиялари кенг жорий этилмоқда
2023-05-23 19:20:54 436
Давлатимиз раҳбарининг 2023 йил 1 апрелдаги “Сув ресурсларидан фойдаланиш самарадорлигини ошириш бўйича кечиктириб бўлмайдиган чора-тадбирлар тўғрисида” ги қарорига асосан Ўзбекистон туманида ёзги суғориш мавсумида кутилаётган сув танқислиги шароитида қишлоқ хўжалиги экин майдонлари ва иқтисодиёт тармоқларини сув билан барқарор таъминлашга алоҳида эътибор қаратилмоқда. Шу мақсадда жойларда хусусан, фермер хўжаликлари дала майдонларида сувни тежайдиган технологиялар кенг жорий қилинмоқда. Бу билан эса ирригация тизимларида сув йўқотишлар камайтирилади.
1 апрелдан бошлаб қишлоқ хўжалиги маҳсулотларини етиштиришда сувни тежайдиган технологияларни жорий этиш давлат томонидан қўллаб-қувватланади. Шуни эътиборга олиб, бу йил режа бўйича туманда жами 800 гектар майдонда қишлоқ хўжалиги экинлари етиштириш учун сув тежовчи технологиялардан фойдаланиш кўзда тутилган.
Хусусан, майдонларда томчилатиб ва ёмғирлатиб суғориш билан биргаликда, экинларни дискрет усулда суғоришдан кенг фойдаланиш ҳам йўлга қўйилмоқда. Таъкидланишича, бунинг учун фермер хўжаликларига пахтачилик-тўқимачилик кластери кафиллиги асосида АТ “Агробанк” томонидан кредитлар ажратилмоқда. Мазкур кредит маблағларининг 5 фоизи давлат томонидан субсидия асосида қоплаб берилиши белгиланган.
Айни кунларда таъминотчи корхоналар вакиллари имтиёз ортидаги яхши даромадни кўзлаган фермерлар дала майдонларига сув тежовчи суғориш технологияларини ўрнатишмоқда.
