Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Уруш фахрийси Абдуллажон бобога Президент совғалари топширилди
2023-05-08 21:16:19 147
Ўзбекистон туманида истиқомат қилувчи Иккинчи жаҳон уруши қатнашчиси Абдуллажон ота Қодировга Хотира ва қадрлаш куни муносабати билан давлатимиз раҳбарининг байрам табриги, қимматбаҳо ва эсдалик совғалари ҳамда бир марталик пул мукофоти етказилди.
98 ёшли уруш фахрийсининг хонадонида туман сектор раҳбарлари, ҳуқуқ-тартибот идоралари, ҳарбийлар, жамоатчилик вакиллари ва ўқувчи-ёшлар ҳозир бўлди.
Туман ҳокими Шерзоджон Юлдашев Президентимизнинг йўллаган байрам табригини ўқиб эшиттириб, 18 миллион сўм пул мукофоти ва байрам совғаларини ўз эгасига топширди.
1943 йилда фронтга кетган Абдуллажон бобо Қодиров уруш майдонларида артиллерия бўлинмаси сафида фашизмга қарши жанг қилган. Беш ўғилни вояга етказган уруш қатнашчиси бугун 40 дан зиёд невара-ю эваралар бағрида умргузаронлик қилмоқда.
Юксак эътибор ва ҳурматдан кўнгли тоғдек кўтарилган собиқ жангчи бугунги тинч ва осуда ҳаётимизга кўз тегмаслигини тилаб, дуога қўл очди.
