1. Bosh sahifa
2. Yangiliklar

Элчи маҳалласи ҳам ўзининг янги ва намунавий биносига эга бўлади

×

Навбатдаги манзилда туман раҳбари янгидан қад ростлаётган маҳалла биноси қурилиши билан танишди. Мазкур бинонинг қурилиш ишлари ҳам ҳудуд аҳолисининг бирдамлиги ва ташаббуси асосида ҳомийлик йўли билан бошланган. 

Ҳудуд аҳли, фаолларнинг мурожаат ва илтимосларига кўра эндиликда ушбу лойиҳани тўлиқ ҳамда сифатли якунига етказиш учун туман маҳаллий бюджетидан кўмак кўрсатиш масаласи муҳокама қилинди. 

Лойиҳа смета харажатлари ҳисоб-китоб қилиниб, бошланган ишни тўлиқ охирига етказиш юзасидан тегишли тартибда таклифлар киритиладиган бўлди. 

Маҳалла раиси ҳамда фаолларга янги бинода ходимлар ҳамда фуқаролар учун барча қулай шарт-шароитларни яратиш, унга туташ ҳудудда яшил майдонни барпо этишга эътибор қаратиш юзасидан зарурий таклифлар берилди.

Қурилаётган янги бинога туташ жойлашган, маҳалла балансида бўлган собиқ қишлоқ маданият клубининг қаровсиз ва эски биноси ҳам туман раҳбарининг диққат марказидан четда қолмади. 

Бўш турган ушбу бинодан мақсадли фойдаланиш, уни давлат-хусусий шериклик ёки бошқа амалдаги тартиблар асосида ишга тушириш таклифларини кўриб чиқиш ва ижрога қаратиш юзасидан ҳам маҳалла раисига кўрсатмалар берилди.

Ва албатта, ушбу лойиҳани ҳам ишлаб чиқишда маҳалла аҳлига, ёшу-қарисига бирдек манфаатли бўлишига эътибор қаратиш лозимлиги таъкидланди. 

Ўзбекистон тумани ҳокимлиги