1. Bosh sahifa
2. Yangiliklar

Ўзбекистон туманида янги кўп қаватли уй-жойлар қад кўтармоқда

×

Ўзбекистон тумани Қулибек маҳалла фуқаролар йиғини, А.Навоий мавзесида 30 та хонадондан иборат, 5 қаватли уй-жойлар қад ростламоқда.

Ушбу кўп қаватли уй-жойлар қурилиши “Қўқон йўл таъмир” масъулияти чекланган жамияти томонидан амалга оширилмоқда.

Қурилиш-бунёдкорлик ишларида 30 дан ортиқ юртдошларимизнинг бандлиги таъминланиб, улар янги хонадонларни ўз эгаларига сифатли ва кўркам қилиб топшириш йўлида бор маҳоратларини ишга солмоқдалар.

Мазкур янги уй-жойлар давлатимиз мустақиллигининг 30 йиллигига муносиб туҳфа сифатида фойдаланишга топширилиши режалаштирилган.

Жорий йил давомида туманда шу каби 10 та кўп қаватли уй-жойларни қуриб битказилиб, ўз эгаларига топширилиши кўзда тутилган.

Ўзбекистон тумани ҳокимлиги Ахборот хизмати