Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманида аҳолини «COVID-19»га қарши эмлаш ишлари бошланди
2021-04-09 22:58:23 44
Бугун, 9 апрелдан бошлаб туманимизда ҳам аҳолини коронавирусга қарши эмлаш ишларига киришилди.
Ҳиндистон давлатида ишлаб чиқарилган "Astra Zenica" вакцинаси ҳамда Хитой ва Ўзбекистон ҳаммуаллифлигида яратилган ZF-UZ-VAC2001 вакцинаси туман санитария-эпидемиологик осойишталик ва жамоат саломатлиги бўлими томонидан махсус автомашиналарда туманга етказиб келинди.
Эмлаш жараёнлари туман тиббиёт бирлашмасига қарашли марказий поликлиника ҳамда 9 та қишлоқ оилавий поликлиникаларида амалга оширилмоқда.
Дастлабки босқичда, асосан режа асосида ҳавф гуруҳига мансуб бўлган 65 ёшдан юқори бўлган аҳоли қатлами ва тиббиёт ходимлари эмланиши кўзда тутилган.
Муҳим тадбирга пухта тайёргарликлар кўрилган. Фуқароларни рўйхатга олишдан тортиб улар вакцинани қабул қилишлари, сўнгра маълум вақт шифокор назоратида бўлишлари учун хоналар ажратилган.
Туман тиббиёт бирлашмаси бошлиғи Х.Қурбонов, санитария-эпидемиологик осойишталик ва жамоат саломатлиги бўлими бошлиғи А.Сулаймонов, кўп тармоқли марказий поликлиника мудири А.Караматуллаев бошчилигидаги бир гуруҳ тиббиёт ходимлари туманда биринчилардан бўлиб бу жараёнларни бошлаб бердилар.
Эмлаш ишлари ихтиёрийлик тамойили асосида амалга оширилмоқда ва муҳими, эмлаш ҳамма учун бепул, яъни вакциналар харажатлари давлат бюджети ҳисобидан қопланади.
Ўзбекистон тумани ҳокимлиги Ахборот хизмати
