Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Фан олимпиадаларининг туман босқичи мусобақалари бўлиб ўтмоқда
2021-10-12 22:17:33 153
Ўзбекистон туманидаги умумтаълим мактаблари юқори синф ўқувчилари иштирокида фан олимпиадаларининг туман босқичи мусобақалари бўлиб ўтмоқда.
Билимдонлар беллашувининг туман босқичига кеча, 11 октябрь куни старт берилди.
Тумандаги 24-умумтаълим мактабида фанлар кесимида ташкил этилаётган ушбу олимпиаданинг математика фани йўналиши бўйича кеча бўлиб ўтган беллашувларда 9,10 ва 11-синф ўқувчилари ҳисобланган 304 нафар ёшлар ўз билимларини синовдан ўтказдилар.
Бугун эса, тумандаги мавжуд 71 та мактабдан 300 нафарга яқин ўқувчи ёшлар биология фанидан ғолиблик учун ўзаро билим баҳсларига киришдилар.
Ушбу билимлар беллашувининг туман босқичи мусобақаларини Фарғона вилояти халқ таълими бошқармаси масъул ходимлари, олимпиада ҳакамлари ва аппеляция ҳайъатлари аъзолари бевосита кузатиб боришмоқда. Шунингдек ушбу жараёнларни туман ҳалқ таълими бўлимининг фейсбук ижтимоий тармоғидаги расмий саҳифаси орқали ҳам тўғридан-тўғри, онлайн режимда кузатиб бориш имконияти мавжуд.
Мазкур олимпиаданинг туман босқичи 18 октябр кунига қадар давом этиши белгиланган.
Ўзбекистон тумани ҳокимлиги Ахборот хизмати
