1. Bosh sahifa
2. Yangiliklar

Шароит яхши бўлса, ишда ҳам унум бўлади

×

Жорий йилда Ўзбекистон туманида чигит экилган 4650 гектар ерда униб чиққан ғўза ниҳолларини парваришлаш бўйича муҳим агротехник тадбирларга киришилган.

Бу жараёнларда албатта «темир тулпор» эгалари-механизаторларнинг меҳнати беқиёс.

Фермер хўжалигининг ҳақли равишда юраги ҳисобланган-механизаторларни ҳар томонлама қўллаб-қувватлаш, уларга муносиб шарт-шароит яратиб бериш масаласига туманда муносиб эътибор қаратилган. 

“Оқ олтин” етиштиришда асосий куч вакиллари учун айни кунларда туманнинг 10 та ҳудудларида “Механизаторлар уйи” ташкил этилган.

Туман ҳокими Шерзоджон Юлдашев “Намуна” ва “Нурсух Ғафур Ғулом ФАР” ММТП ҳудудларида ташкил этилган ана шундай “Механизаторлар уйи”, у ерда яратилган шароитларни кўздан кечирди. Хўжаликлардаги “наряд” ва “отряд” усулида ташкил этилган ишлар билан танишди. 

Масъулларга механизаторлар, ишчилар учун барча қулайликлар яратиб бериш вазифалари топширилиб, мавжуд камчиликларни бартараф этиш учун аниқ муддат белгиланди.

Ўзбекистон тумани ҳокимлиги Ахборот хизмати