1. Bosh sahifa
2. Yangiliklar

Фарғона вилоят ДСБ бошлиғи Ўзбекистон туманида сайёр қабул ўтказди

×

Фарғона давлат солиқ бошқармаси бошлиғи, 4-сектор раҳбари Шукурулло Нисбатхонов Ўзбекистон туманида сайёр қабул ўтказди.

Аҳоли муаммоларини аниқлаш ва уларни бартараф этиш мақсадида туман ҳокимлигида ташкил этилган қабулда Ўзбекистон тумани ҳокими Қ.Джураев ва туман сектор раҳбарлари, Ўзбекистон Республикаси Президентининг Ўзбекистон туманидаги Халқ қабулхонаси мудири, тегишли ташкилот ва муассасалар раҳбарлари ҳамда мурожаат билан келган фуқаролар иштирок этди.

Сайёр қабул давомида 20 нафар фуқароларнинг ишга жойлашиш, турар уй-жойини таъмирлаш, кадастр ҳужжатларини тайёрлаш, саломатлигини тиклаш учун йўлланма олиш, фуқаролик паспортини алмаштириш, тўлов контракт суммасини тўлашда амалий ёрдам кўрсатиш каби масалаларга оид кўплаб мурожаатлари тингланди.

Халқ билан мулоқот давомида 7 та мурожаатчининг масаласи жойида ижобий ечим топган бўлса, ҳал этилиши муддат талаб қиладиган 13 та мурожаатнинг эса ижроси назоратга олинди.

Қабул давомидаги мурожаатлар асосида ижтимоий кўмак сифатида 3 та оилага зарурий озиқ-овқат маҳсулотлари билан ёрдам кўрсатилди, 2 нафар эҳтиёжмандларга ногиронлик аравачаси тақдим этилди.

Шунингдек, сайёр қабулдаги келиб тушган мурожаатлар ижросини таъминлаш мақсадида, 35 ва 58-мактаблар ички ва ташқи ҳудудларидаги 600 метр йўл майдонига шағал ётқизилди ҳамда мазкур ҳудудларни келгусида асфальтлаштириш борасида ҳам зарурий чора-тадбирлар белгиланди.

Ўзбекистон тумани ҳокимлиги Ахборот хизмати