Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
"Гербимиз - фахримиз"
2022-07-02 16:15:23 66
Ўзбекистон Республикаси Давлат герби қабул қилинганлигининг 30 йиллиги Ўзбекистон туманида кенг нишонланмоқда. Жойларда “Гербимиз - фахримиз” шиори остида маънавий-маърифий тадбирлар, учрашувлар, ёшлар ўртасида ижодий танловлар ташкил этилмоқда.
Ана шундай маънавий-маърифий тадбирлардан бири 23-сонли болалар мусиқа ва санъат мактабида бўлиб ўтди.
Унда туман ҳокимлиги, маънавият ва маърифат маркази, Ёшлар ишлари агентлиги туман бўлимлари, давлат ва жамоат ташкилотлари ҳамда ёшлар вакиллари иштирок этди.
Тадбирда Ўзбекистон Республикаси Давлат гербининг нафақат давлат рамзи, балки миллат ифтихори сифатидаги юксак аҳамияти алоҳида эътироф этилди.
Ёшлар томонидан тайёрланган байрам дастури намойиш этилди. Ватанпарварлик, давлат рамзлари тўғрисидаги шеърлар, куй-қўшиқ ва рақслар тадбирга ўзгача шукуҳ бахш этди.
Танловларда ўрин олган ва тадбирда фаол иштирок этган ўқувчилар китоблар жамланмалари ва эсдалик совғалари билан тақдирландилар.
Ўзбекистон тумани ҳокимлиги
