Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманилик абитуриентлар ТОП-10 ликда!
2021-09-07 21:32:33 60
Таниқли ҳуқуқшунос ва блогер Хушнудбек Худойбердиев ўзининг телеграм каналида жорий йилги тест синовларидаги умумий ўртача балл бўйича ҳудудлар, яъни мамлакатимиздаги туман ва шаҳарлар рейтингини эълон қилди.
Эътиборли томони, Ўзбекистондаги энг юқори натижа қайд этган ТОП-20 туман/шаҳар рўйхатида асосан Фарғона (7 та) ва Бухоро (8 та) вилоятларидаги туман/шаҳарлар ўрин олган. Шунингдек, Тошкент шаҳридан 4 та, Навоий вилоятидан 1 та туман ТОП-20 га кира олган.
Энг юқори ўртача балл қайд этган туман/шаҳарлар рейтинги:
1. Бувайда — 79,03
2. Пешку — 77,87
3. Бағдод — 77,85
4. Қоракўл — 77,73
5. Ғиждувон — 77,33
6. Ўзбекистон — 76,66
7. Вобкент — 76,64
8. Шофиркон — 76,63
9. Риштон — 76,48
10. Олот — 76,15
11. Мирзо Улуғбек — 75,95
12. Яккасарой — 75,78
13. Чилонзор — 75,6
14. Қизилтепа — 75,53
15. Учкўприк — 74,76
16. Данғара — 74,73
17. Ёзёвон — 74,55
18. Ромитан — 74,45
19. Юнусобод — 73,94
20. Бухоро ш. — 73,93
Блогер ўз постида ҳудуднинг ўртача бали қандай ҳисобланишини ҳам қайд этиб ўтган.
Таъкидланишича, масалан, Бухорода тестга кирган 50 минг абитуриент олган барча баллар қўшилади ва 50 мингга бўлинади. Шунда ўртача арифметик кўрсаткич чиқади. Ушбу ўртача балларнинг кириш балларига алоқаси йўқ. Бу шунчаки қайси ҳудуднинг абитуриентлари умумий олганда нисбатан баландроқ балл тўплаганини билдиради.
