Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Нурсухда 2,5 млрд сўмлик лойиҳа асосида 350 дан зиёд хонадон тоза ичимлик суви билан таъминланди
2024-11-26 17:54:08 428
Ўзбекистон тумани “Нурсух” маҳалла фуқаролар йиғинининг “Қақир2” қишлоғида кўп йилдан буён тоза ичимлик суви таъминоти билан боғлиқ муаммо мавжуд эди.
Давлатимиз раҳбарининг жорий йил 11-12 июл кунлари Фарғона вилоятига ташрифи давомида белгиланган манзилли дастур доирасида мазкур муаммо бугунга келиб ижобий ҳал этилди.
Дастур асосида ҳудудда янги ичимлик суви қудуғи қазилиб, жами 5 минг 200 метр тармоқ тортилди. Янги сув минораси ўрнатилиб, сув иншоати барпо этилди. Бунинг учун 2 миллиард 500 миллион сўм маблағ сарфланди ва натижада маҳалладаги 350 дан зиёд хонадоннинг тоза ичимлик суви таъминоти яхшиланди.
Бугун ана шу янги лойиҳанинг фойдаланишга топшириш тадбирида нурсухликлар ҳаётбахш ислоҳотлардан беҳад мамнунликларини билдиришди. Маросимда туман ҳокими Шерзоджон Юлдашев бошчилигидаги сектор раҳбарлари, мутасадди идоралар ва жамоатчилик вакиллари иштирок этди.
