1. Bosh sahifa
2. Yangiliklar

"Яшил макон” умуммиллий лойиҳаси доирасида Ўзбекистон туманида "Устозлар боғи"нинг сони яна биттага ортди

×

Ўзбекистон туманида “Яшил макон” умуммиллий лойиҳаси доирасида жорий йилги кузги дарахт экиш мавсуми кенг кўламда ташкил этилмоқда. Маҳалла ва масканлар, муассасаларда эзгу акция  қизғин давом этмоқда.

Ушбу лойиҳа доирасида туманда жорий йил куз фаслида 400 минг тупга яқин мевали, манзарали дарахт ва бута кўчатлари ҳамда қаламчалар экилиши режалаштирилган.

Бугун туман мактабгача ва мактаб таълими бўлими ташаббуси билан 54-мактабда ана шу ҳаётбахш лойиҳаси доирасида кўргазмали семинар бўлиб ўтди.

Унда туман ҳокими Шерзоджон Юлдашев бошчилигидаги сектор раҳбарлари, мактабгача ва мактаб таълими бўлими мутасаддилари, тумандаги мактаб ва мактабгача таълим ташкилотлари раҳбарлари, устоз-мураббийлар, маҳалла фаоллари ва нуронийлар иштирок этди.

Тадбирда туман раҳбари таъкидлаганидек, туманнинг кўплаб ҳудудларида бўлгани каби, таълим масканларида кўкаламзорлаштириш, кўчат экиш, яшил ҳудудлар барпо этиш ишларини янада кенгайтиришдек хайрли амаллар юртни обод қилиш, она табиатни асрашда муҳим ўрин тутади.

Семинар давомида иштирокчилар томонидан мактаб ҳудудига 200 тупдан зиёд мевали ва манзарали дарахт ҳамда гул кўчатлари қадалиб, “Устозлар боғи” ташкил этилди. 

Туман масканларида кенг кўламли кўчат экиш акциялари кўтаринкилик билан давом этмоқда.