Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
“Ташаббусли бюджет” доирасида 58-мактаб учун 120 ўринли янги ўқув биноси бунёд этилмоқда
2024-09-05 14:12:34 252
“Ташаббусли бюджет” дастури доирасида Ўзбекистон тумани “Ўқчи туман” маҳалла фуқаролар йиғинидаги 58-мактабда ҳам 120 ўқувчи ўрнига мўлжалланган қўшимча ўқув биноси қурилмоқда.
Туман ҳокими Шерзоджон Юлдашев бугун мазкур таълим даргоҳида бўлиб, амалга оширилаётган қурилиш-бунёдкорлик ишларини кўздан кечирди.
1997 йилда 360 нафар ўқувчи ўрнига мўлжалланиб қурилган ушбу мактабда 430 нафар ўқувчилар таҳсил олиб келишмоқда. Табиийки, мактаб сиғимига нисбатан ўқувчилар сонининг кўплиги қатор ноқулайлик келтириб чиқарар эди.
Шу сабабдан, “Очиқ бюджет” порталига муассаса учун қўшимча янги ўқув биносини қуриш юзасидан таклиф киритилиб, жамоатчилик фаоллигида ушбу ташаббус 6 минг 200 тадан кўп овоз тўплади ва уни амалга ошириш учун давлат бюджетидан 1 миллиард 200 миллион сўмдан зиёд маблағ йўналтирилди.
Айни кунларда “Саховатли Сотволди ота” масъулияти чекланган жамияти қурилиш ташкилотининг бунёдкорлари томонидан билим маскани учун 2 қаватли, 120 ўринли янги ўқув биноси барпо этилмоқда.
