1. Bosh sahifa
2. Yangiliklar

Сайёр қабул: мурожаатлар ечимига хизмат қилиб

×

Ўзбекистон туманида аҳоли билан очиқ мулоқотни таъминлаш, уларни қийнаб келаётган муаммоларни аниқлаш ҳамда бартараф этишга қаратилган манзилли тадбирлар изчил давом этмоқда. 

Бугун туман ҳокими Шерзоджон Юлдашев ва Ўзбекистон Республикаси Олий Мажлис Қонунчилик палатаси депутати Мавлудахон Ходжаева иштирокида “Учбулак” маҳалла фуқаролар йиғинида ўтказилган навбатдаги сайёр қабул ҳам айни шу мақсадга қаратилди. 

Туман ҳокими ўринбосарлари, мутасадди ташкилот раҳбарлари жалб этилган қабул давомида фуқаролар томонидан билдирилган маҳалла ва ижтимоий соҳа объектлари инфратузилмасини яхшилаш, бандликни таъминлаш, ижтимоий ёрдам олиш, уй-жой таъмири, кадастр, банк кредити ва даволаниш каби масалаларга оид 30 дан зиёд мурожаатлар кўриб чиқилди.

Қабул давомида мурожаатларнинг кўпи ўз ечимини топган бўлса, ҳал этилиши учун муддат талаб этиладиган мурожаатлар мутасаддиларга қўшимча ўрганиш учун йўналтирилиб, ижроси қатъий назоратга олинди.