Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ички ишлар бўлимида ташкил этилган “Ситуацион марказ” туманда криминоген вазиятни барқарорлаштириш ва жиноятчиликни жиловлашга хизмат қилади
2024-05-20 22:34:22 401
Ўзбекистон туманидаги мавжуд барча маҳаллаларни “Рақамли хавфсиз маҳалла”га айлантириш орқали хавфсиз муҳитни яратиш чоралари кўриб борилмоқда. Шу мақсадда туман ички ишлар бўлими ташаббуси, сектор раҳбарлари саъйи-ҳаракати хамда ҳомийлик маблағлари ҳисобидан 73 та маҳаллаларга шу кунгача 2 минг 500 тадан зиёд видео кузатув камералари ўрнатилиб, бу борадаги амалий жараёнлар изчил давом этмоқда.
Шунингдек, жиноятларни олдини олиш, келгусида уларни фош этиш даражасини ошириш мақсадида маҳаллаларга ўрнатилган видео кузатув камераларнинг 350 дан ортиғи профилактика инспекторлари хонасига интеграция қилиниб кичик ситуацион марказлар, туман бўйича 150 дан зиёд видео кузатув камералар эса ИИБ навбатчилик қисмига интеграция қилиниб, катта ситуацион марказ яратилди.
Туман ҳокими Шерзоджон Юлдашев бошчилигидаги сектор раҳбарлари бугун мазкур ситуацион марказ фаолияти билан яқиндан танишди.
Ушбу тизим бевосита бўлимдан белгиланган ва аҳоли гавжум жойларни онлайн режимда видео кузатувини олиб бориш имкониятига эга бўлиб, қайд этилганидек уни янада такомиллаштириш тадбирлари олиб борилмоқда.
