1. Bosh sahifa
2. Yangiliklar

Ободлик касб этаётган маҳалла аҳли учун саёҳат уюштирилди

×

Ўзбекистон тумани “Сулаймон” маҳалла фуқаролар йиғинида “Обод хонадон – обод кўча – обод маҳалла” дастури доирасида кенг кўламда бунёдкорлик ишлари рўёбга чиқарилмоқда.

Жараёнлар давомида қурилиш-ободлик тадбирлари билан биргаликда ҳудуд аҳлини ҳар томонлама ижтимоий қўллаб-қувватлашга ҳам эътибор қаратилмоқда.

Хусусан, тасдиқланган “Йўл харитаси”га асосан куни кеча сулаймонлик нуронийлар учун вилоятимизнинг диққатга сазовор масканларига саёҳат ташкилланди. 

Туман ҳокимлиги ҳамда Маънавият ва маърифат маркази туман бўлинмаси ҳамкорлигида ташкилланган саёҳат давомида маҳалла аҳолиси Қўқон мусиқали драма театрида “Сирли қутича” спектаклини томоша қилишган бўлса, кейинчалик Риштон халқаро кулолчилик маркази ва кулолчилик музейида бўлишиб, Ҳазиний зиёратгоҳини ҳам зиёрат қилдилар.