1. Bosh sahifa
2. Yangiliklar

Оналарга эҳтиром буюклик рамзи: Яйпандаги ихтисослаштирилган мактаб-интернати ўқувчиларининг оналарига иззат-икром кўрсатилди

×

Баҳорнинг энг нафис ва гўзал айёми 8 март - Халқаро хотин-қизлар куни байрами арафасида Ўзбекистон туманидаги ихтисослаштирилган мактаб-интернатида “Оналарга эҳтиром” маънавий-маърифий тадбири бўлиб ўтди. 

Унда туман ҳокими Шерзоджон Юлдашев ва туман ички ишлар бўлими бошлиғи Содиржон Абдуллаев иштирок этди. 

Маросимга мактаб-интернат ўқувчиларининг волидалари таклиф этилди.

Тадбир иштирокчиларини баҳор байрами ва яқинлашиб келаётган Халқаро хотин-қизлар куни айёми билан самимий қутлаган туман раҳбари барча йиғилганларга мана шундай иқтидорли фарзандларни муносиб тарбиялаётганликлари учун барча мўътабар зотларга ўз ташаккурини билдирди. Ёшларнинг келгусидаги ўқишларида янада улкан зафарлар тилади.

Бу каби тадбирларнинг асл моҳиятида ота-онага ҳурмат кўрсатиш ва оилавий қадриятларни мустаҳкамлаш мужассамлиги таъкидланди.

Тадбир давомида таълим, илм-фан ва спорт йўналишларидаги турли беллашувларда ғолиб ва совриндорликни қўлга киритган иқтидорли ўқувчилар ҳамда уларнинг оналарига эсдалик совғалари топширилди.

Ёрқин ва илиқ лаҳзаларга бой ўтган тадбир давомида мактаб-интернат ўқувчилари эсдалик совға ва гулдасталарни ўз оналарига тақдим этиб, "Онажон, мен Сизни жуда яхши кўраман!" деб ҳурмат бажо келтирдилар. Шунингдек тайёрлаган ижодий кўринишларини намойиш этишди.

Шу куни мактаб-интернатида ўтказилган сумалак сайли ва бошқа маънавий-маърифий тадбирлар ҳам барчага кўтаринкилик улашди.