Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Вилоят ҳокими ўринбосари иштирокида сайёр қабул ўтказилди
2023-12-29 00:47:33 940
Ўзбекистон туманида аҳоли билан бевосита ва очиқ мулоқотни таъминлаш, уларни қийнаб келаётган муаммоларни аниқлаш ҳамда бартараф этиш юзасидан аниқ ва манзилли чоралар кўрилмоқда.
Шу мақсадда вилоят ҳокими ўринбосари-вилоят инвестициялар, саноат ва савдо бошқармаси бошлиғи Нуриддин Мамажонов бошчилигида туман аҳолиси учун навбатдаги сайёр қабул ўтказилди.
Янги Яйпан мавзесида ташкилланган сайёр қабулга туман ҳокимининг тегишли ўринбосарлари, ташкилот ва муассасалар раҳбарлари ҳам иштирок этди.
Сайёр қабул давомида 20 нафарга яқин фуқароларнинг бандликка кўмаклашиш, кадастр, маҳалла инфратузилмасини яхшилаш, соғлиқни тиклаш, уй-жойини таъмирлаш ва моддий ёрдам олиш каби масалаларга оид мурожаатлари тингланди.
Аҳоли вакиллари билан мулоқот давомида кўплаб мурожаатлар жойида ижобий ечим топган бўлса, ҳал этилиши муддат талаб этадиган масалалар бўйича аниқ муддат ва масъуллар белгиланиб, ижроси назоратга олинди.
Хусусан, шу куни мурожаатлар асосида 4 нафар фуқароларга субсидия асосида тикув машинаси, 1 нафар фуқарога мотокультиватор, 4 нафар фуқарога бир марталик моддий ёрдам маблағлари, 2 нафар фуқарога эса уй-жойини таъмирлаш учун зарурий қурилиш маҳсулотлари етказиб берилди.
