1. Bosh sahifa
2. Yangiliklar

Оммавий ахборот воситалари вакиллари пресс тур ва матбуот анжумани давомида Ўзбекистон туманида “Ташаббусли бюджет” ва бошқа манзилли дастурлар асосида амалга оширилаётган ишлар ҳақида маълумотларга эга бўлдилар

×

Ўзбекистон туманида “Ташаббусли бюджет” ва бошқа манзилли дастурлар доирасида амалга оширилаётган тадбирлардан оммавий ахборот воситалари вакилларини хабардор қилиш мақсадида навбатдаги пресс-тур ва матбуот анжумани ўтказилди.

Пресс-тур иштирокчилари “Ташаббусли бюджет” лойиҳаси асосида туманнинг Қораёзбобо ва Жаманжар қишлоқларидаги 15- ва 35-умумтаълим мактаблари учун қуриб битказилган қўшимча янги ўқув бинолари, уларда яратилган шароитлар билан яқиндан танишдилар.  

Тадбир давомида туман ҳокими Шерзоджон Юлдашев ва сектор раҳбарлари иштирокида матбуот анжумани ҳам бўлиб ўтди.

Унда айни лойиҳанинг жорий йилги биринчи мавсумида ҳам туман аҳолиси фаол иштирок этиб, жами 43 та таклиф ғолиб топилганлиги, туман бўйича молиялаштириладиган ташаббусларни амалга ошириш учун бюджетдан 50 миллиард 400 миллион сўмдан зиёд маблағ ажратилганлиги ҳақида туман раҳбари томонидан маълумот берилди. Айни кунларда бу борада олиб борилаётган ишлар ҳудудлар инфратузилмаси, ижтимоий ва иқтисодий ҳолатини янада яхшилашга хизмат қилаётганлиги таъкидланди. Шунингдек, лойиҳанинг биринчи мавсумида ҳам 6 та таклиф ғолиб деб топилиб, уларни ҳаётга тадбиқ этиш бўйича амалга оширилаётган тадбирлар ҳақида сўз борди. 

Туман раҳбари ҳудудлар ободлиги, аҳоли фаровонлиги ва турмуш даражасини янада юксалтиришга йўналтирилган бошқа манзилли дастурлар асосида бажарилаётган ишларга ҳам тўхталиб, журналистларни қизиқтирган саволларига батафсил жавоб қайтарди.