Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманилик нуронийлар Андижон бўйлаб саёҳат қилдилар
2023-11-16 20:17:41 508
Кексаларга эҳтиром, эътибор ва ғамхўрлик кўрсатиш асрлар оша яшаб келаётган боқий қадриятларимиздан саналади.
Республика Вазирлар Маҳкамасининг “Кексаларни давлат томонидан қўллаб-қувватлаш тизимини янада такомиллаштиришнинг қўшимча чора-тадбирлари тўғрисида”ги қарорига биноан юртимизда ҳар йили ноябр ойи “Кексалар учун туризм ойлиги” сифатида белгиланган.
Ойлик доирасида туман нуронийларини янада эъзозлашга қаратилган туркум тадбирлар ташкилланмоқда.
Ана шу тадбирларнинг давоми сифатида туман ҳокимлиги, “Нуроний” жамғармасининг туман бўлими ва бошқа ҳамкор ташкилотлар ташаббуси билан эллик нафар нуроний тумандошларимиз учун Андижон шаҳрига саёҳат уюштирилди.
Кексаларни эъзозлаш, уларни ҳар томонлама қўллаб-қувватлаш, вақтларини сермазмун ўтказишларини ташкил этишга қаратилган ижтимоий тадбирлар туманда давом этмоқда.
