Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Қадринг баланд бўлсин, она тилим!
2023-10-21 11:40:02 510
Ўзбекистон туманида “Давлат тили ҳақида”ги қонун қабул қилинганининг 34 йиллиги ва Ўзбек тили байрами куни кенг нишонланмоқда. Туман ҳокимлиги ва ҳамкор муассасалар ташаббуси билан жойларда “Қадринг баланд бўлсин, она тилим!” шиори остида маданий-маърифий тадбирлар ташкил этилмоқда.
Байрам муносабати билан ана шундай тадбирлардан бири тумандаги 7-умумий ўрта таълим мактабида “Ўзбек тили - миллий ўзлигимиз ва мустақил давлатчилигимиз тимсоли!” шиори остида ташкил этилди.
Туман ҳокимлиги ва Маънавият ва маърифат маркази туман бўлинмаси ташаббуси билан ўтказилган тадбирда мураббийлар, ёшлар ва жамоатчилик вакиллари иштирок этди.
Тадбир давомида ўзбек тилига давлат тили мақомининг берилиши халқимизнинг миллий мустақилликка эришиш йўлидаги муҳим қадамлардан бири бўлиб хизмат қилганлигини таъкидланиб, давлат тилининг аҳамияти ҳақида тўхталинди.
Мактаб ўқувчилари томонидан она тилимизни улуғловчи шеър ва қўшиқлар кўйланиб, бадиий чиқишлар намойиш этилди.
Тадбирда энг фаол соҳа вакиллари ва билимдон ўқувчилар ташкилотчиларнинг ташаккурнома ҳамда эсдалик совғалари билан тақдирланди.
