1. Bosh sahifa
2. Yangiliklar

“Йил аёли” миллий танловининг Ўзбекистон туман босқичи ўтказилди

×

Бугун Яйпан шаҳридаги 23-сонли болалар мусиқа ва санъат мактабида "Йил аёли" республика миллий танловининг туман босқичи бўлиб ўтди.

Ушбу танлов Ўзбекиcтон Республикаси Олий Мажлиси Сенати Кенгашининг қарорига асосан ўтказилмоқда.

Кенг жамоатчилик вакиллари иштирокида ўтказилган тадбир очилишида сўз олган туман ҳокими ўринбосари, Оила ва хотин-қизлар бўлими бошлиғи Зулфияхон Саримсақова ва бошқалар томонидан кейинги йилларда мамлакатимизда хотин-қизларни қўллаб-қувватлаш, уларнинг жамиятдаги ўрни, роли ва нуфузини оширишга қаратилган кенг кўламли ишлар олиб борилаётганлиги, қатор лойиҳа ва танловлар ўтказилаётганлиги таъкидланди.

Танлов иштирокчилари, турли соҳаларда фаолият олиб бораётган фаол тумандош аёлларимиз миллий танловнинг тасдиқланган низомига кўра 3 та: таништирув, фаолияти ҳақида қисқа ролик ҳамда савол-жавоб шартлари асосида беллашди.

Ҳакамлар ҳайъати томонидан ҳар бир иштирокчининг чиқиши холисона баҳолаб борилди.

11 та номинация бўйича ўз билим, иқтидор ва истеъдодларини намойиш этган фаол аёллар якунда танлов ҳакамларининг хулоса ва тавсиялари асосида кўрик-танловнинг вилоят босқичига йўлланма олди.

Турли номинациялар соҳибаларига ташкилотчиларнинг фахрий ёрлиқ ва эсдалик совғалари топширди.