Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Фавқулодда вазиятларни олдини олиш ва фуқаpо муҳофазасига оид кўpгазмали машғулот ўтказилди
2023-08-16 10:51:58 174
Ўзбекистон туманида энг улуғ ва энг азиз байрамимиз- давлатимиз мустақиллигининг ўттиз икки йиллик байрамига тайёргарлик кўриш ва ўтказиш даврида фуқаро муҳофазаси, ёнғин ҳавфсизлигини таъминлаш мақсадида тузилган ташкилий қўмита эътибори байрам тадбирларини беталофат ва юқори даражада ўтказишга қаратилган.
Шу мақсадда байрамнинг асосий тадбирлари бўлиб ўтиши режалаштирилган “Ўзбекистон” ўйингоҳида фавқулодда вазиятларни олдини олиш ва фуқаpо муҳофазасига оид кўpгазмали ўқув-амалий машғулот ўтказилди.
Унда байрам тадбирларини ўтказиш даврида юз бериши мумкин бўлган фавқулодда вазиятларни олдини олиш, фуқаро муҳофазасини тўғри ташкил этиш, хавфсизликни таъминлаш, байрамни беталофат ўтказиш бўйича тушунтириш берилди. Ўқув амалий машғулотига 60 нафарга яқин ходим ва ўндан зиёд техника воситалари сафарбар этилди.
Байрам тадбирларини ўтказиш даврида хавфсизликни таъминлаш, фавқулодда вазиятларнинг олдини олиш ва бартараф этиш чоралари фавқулодда вазиятлар давлат қуйи тизими хизматлари билан ҳамкорликда белгилаб олинди.
