Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ҳар бир мурожаат эътиборда: Катта Тагобдаги қаровсиз қолган 400 метрлик ариқни таъмирлашга киришилди
2023-07-21 21:49:30 146
Ўзбекистон тумани Катта Тагоб маҳалла фуқаролар йиғини аҳлининг туман ҳокимига йўллаган мурожаати асосида ҳудуддаги асосий ариқни таъмирлаш чоралари белгиланди.
Қайд этилишича маҳалланинг марказий кўчасида жойлашган ариқ аҳоли томорқаларини суғориш билан биргаликда, куз-қиш мавсумида ташлама сувларини ўтказишда ҳам асосий вазифани ўтайди. Лекин вақт ўтиши билан мазкур асосий ариқ қаровсиз ҳолга келиб, кўплаб ноқулайликларни келтириб чиқараётган эди.
Маҳалла аҳлининг шу ҳақда амалий ёрдам сўраб туман ҳокими билдирган мурожаатига кўра, ариқни тозалаш-таъмирлаш ишлари учун бетон лотоклар етказиб бериш ташкилланмоқда. Шу мақсадда ҳокимлик ташаббуси билан бир муддат аввал 71 та бетон лотоклар етказиб берилган бўлса, шу кунларда улардан яна 100 таси қишлоққа келтирилмоқда.
Ҳудудларда аҳоли мурожаатларида кўтарилаётган масалалар босқичма-босқич ҳал этиб борилмоқда.
