Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Матбуот ва оммавий ахборот воситалари ходимлари куни муносабати билан соҳа фидоийларига эҳтиром кўрсатилди
2023-06-24 18:38:04 123
27 июнь – Матбуот ва оммавий ахборот воситалари ходимлари куни муносабати билан Ўзбекистон туманида байрам тадбири ўтказилди.
Туман ҳокимлиги ташаббуси билан ташкилланган байрам тадбирида оммавий ахборот воситалари вакиллари, фахрий журналистлар, почта бўлими ходимлари ва туманимизда яшаб, ижод қилган марҳум журналистларнинг оилаларидан вакиллар иштирок этди.
Тадбирни туман ҳокимининг биринчи ўринбосари Хайрулло Алижонов очиб берди ва йиғилганларни касб байрамлари билан самимий қутлаб, ОАВ вакилларига туман ҳокимининг табригини етказди. Тадбирда сўз олган туман ички ишлар бўлими бошлиғи Бахтиёржон Нажмиддинов ва туман давлат солиқ инспекцияси бошлиғи Улуғбек Фозиловлар ҳам вилоят ва туманимиз матбуоти вакиллари туман ижтимоий-иқтисодий ривожида муносиб ҳиссадор эканликларини алоҳида эътироф этиб, иштирокчиларга ўз байрам тилакларини билдирдилар.
Самимий мулоқот руҳида кечган байрам учрашуви давомида туманимизда яшаб, ижод қилган марҳум журналистларнинг ҳаёт ва ижод йўллари ёдга олинди. Уларнинг порлоқ хотирасига ҳурмат бажо келтирилди.
Байрам кечасида Ўзбекистон туманини ижтимоий-маънавий юксалтириш ишига қўшган салмоқли ҳиссаси, ижтимоий фаоллиги ва ташаббускорлиги, самарали хизматлари учун соҳа фахрийлари ва фидоийлари, фаол журналистлар туман ҳокимининг ташаккурнома ҳамда эсдалик совғалари билан тақдирландилар.
