Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманида савдо тармоқларининг филиаллари сони кўпаймоқда: Яйпанда “YEC гилам” дўкони очилди
2023-06-08 20:05:55 144
Бугун “YEC гилам” савдо тармоғининг Яйпандаги филиали ўз фаолиятини бошлади.
Кенг турдаги сифатли гиламлар савдоси билан шуғулланувчи марказнинг очилиш тадбирида туман ҳокими Шерзоджон Юлдашев бошчилигидаги сектор раҳбарлари иштирок этди.
Кенг жамоатчилик қатнашган тадбирда дўкон масъуллари томонидан сектор раҳбарларига савдо тармоғи, унинг мақсад ва қадриятлари ҳақида маълумотлар берилди.
Қайд этилишича Самарқанд гиламлари сифати ва ўзига хос бичими билан нафақат ички, балки дунё бозорида ҳам ўзининг харидорларига эга. Шунингдек, мазкур дўконда Эрон ҳамда Туркиядан келтирилган жами 200 хил турга яқин гиламлар савдоси йўлга қўйилди.
Савдо филиалида маҳсулотларни муддатли тўлов асосида сотиш билан биргаликда, ўлчам олиш, оверлок хизмати, ўрнатиб бериш ва дизайн каби бепул хизматлар ҳам харидорларга таклиф этилмоқда.
Туркистон кўчасида жойлашган янги дўконнинг ташкил этилиши натижасида 10 та янги иш ўрни ҳам яратилди.
Очилиш маросими доирасидаги қизиқарли акциялар ва эл суйган санъаткорлар иштирокидаги концерт дастури ҳам туман аҳли вакилларига кўтаринки кайфият бағишлади.
