Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманида “Халқаро оила куни” катта тантана қилинди
2023-05-15 20:41:31 135
Оила - жамиятнинг асосий бошланғич бўғини, гўзал урф-одатлар, миллий қадрият ва анъаналарларни ўзида асровчи, асрлар оша тарбияда ўзига хос миллийликни шакллантирувчи муқаддас маскан. Оила тинч бўлса, маҳалла тинч, жамият фаровон, давлат мустаҳкам бўлади.
15 май-“Халқаро оила куни” муносабати билан Ўзбекистон туманида маданий-маърифий тадбир бўлиб ўтди.
Сана муносабати билан ташкилланган тадбир туман ҳокимлиги, оила ва хотин-қизлар бўлими, Республика Маънавият ва маърифат маркази Ўзбекистон туман бўлинмаси, “Оқила аёллар” ҳаракати аъзолари ҳамкорлигида ўтказилди.
Тадбирда сўз олганлар юртимиздаги ҳар бир оила мустаҳкам, тинч-тотув ва фаровон бўлишлигига тилаклар билдириб, барчага байрам қутловларини йўллашди.
Шу куни “Янги Ўзбекистоннинг ибратли оиласи” кўрик-танловининг туман босқичи ғолибларини тақдирлаш маросими ҳам бўлиб ўтди. Барча ғолиб ва совриндорлар, иштирокчи оилалар ташкилотчилар томонидан тақдирланди.
Тадбир давомида туман маданият маркази санъаткорлари ижросида янграган куй-қўшиқлар эса барчага кўтаринки кайфият улашди.
