Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Дўстлик маҳалласидаги мактаб ўқувчилари ва ҳудуд ёшларини спортга бўлган қизиқишларини янада ошириш мақсадида замонавий спорт мажмуаси барпо этилади
2023-05-11 22:59:41 76
“Ташаббусли бюджет” лойиҳаси фуқароларнинг ижтимоий фаоллигини ошириш ва жойлардаги муаммоларни қисқа муддатда ҳал этишнинг манзилли ечими сифатида хизмат қилмоқда.
Бугунги ислоҳотлар, хусусан бюджет жараёнларида фуқароларнинг дахлдорлик ҳиссини сезиларли даражада ошиши натижасида лойиҳанинг жорий йилги 1-мавсуми доирасида Ўзбекистон тумани бўйича ғолиб деб топилган жами 43 та таклифни амалга ошириш учун бюджетдан 50 миллиард 400 миллион сўмдан зиёд маблағ йўналтириладиган бўлди.
Лойиҳа доирасида энг кўп овоз тўплаган ана шундай ташаббуслардан бири тумандаги 55-умумтаълим мактаби инфратузилмасини яхшилаш билан ҳам боғлиқ.
Ташаббус натижасида Дўстлик маҳалласидаги мазкур таълим масканида таҳсил олаётган 479 нафар ўқувчилар ҳамда маҳалла ёшлари учун замонавий спорт мажмуаси барпо этилиши, бунинг учун эса бюджетдан 1 миллиард 200 миллион сўм маблағ ажратилиши белгиланди.
Таъкидланишича, маҳалладаги аксарият ёшлар, хусусан мактаб ўқувчилари спортнинг кўплаб турлари бўйича мунтазам шуғулланиб келишади. Айниқса, спортнинг қўл жанги тури бўйича эришилаётган ютуқлар салмоқли.
Қайд этилишича, маҳалла ҳудудида мактаб балансида бўлган 80 сотихли бўш турган ер майдони бўлиб, маҳалла фаоллари ҳамда мактаб жамоасининг ўзаро бирдамлигида айни масканда ёшларни спорт билан мунтазам шуғулланишлари учун муносиб шароит яратишдек эзгу ташаббус бироз аввал бошланган.
Ташаббусли бюджет жараёнидаги эришилган ютуқ эса мазкур жараённи янада сифатли ва тез муддатларда бажариш имконини яратди.
Лойиҳага кўра, эндиликда бу ерда 2 та мини футбол ва 1 та баскетбол майдончаси ҳамда фитнес зали, санитария хоналарига эга бўлган 2 қаватли замонавий спорт мажмуаси барпо этилади.
