Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Қулай ва муносиб шароит меҳнат унумдорлиги омилидир
2023-05-01 11:03:16 65
Жорий йил ҳосили учун Ўзбекистон туманида чигит экилган 4 минг 400 гектар ердаги ғўза ниҳолларини парваришлаш бўйича муҳим агротехник тадбирлар айни авжида.
Мазкур жараёнларда албатта, «темир тулпор» эгалари-механизаторларнинг меҳнати беқиёс.
Фермер хўжаликларидаги асосий кўмакчилар-механизаторларни ҳар томонлама қўллаб-қувватлаш, уларга муносиб шарт-шароит яратиб бериш масаласига туманда алоҳида эътибор қаратилган.
“Оқ олтин” етиштиришда жавлон уриб хизмат қилаётган 100 нафардан зиёд асосий куч вакиллари учун айни кунларда туманнинг 10 та ҳудудларида “Механизаторлар уйи” ташкил этилган.
Туман ҳокими Шерзоджон Юлдашев ана шундай “Механизаторлар уйи”дан бири, “Намуна” ММТП ҳудудидаги “Пойтахт сардори” фермер хўжалиги дала шийпонида ташкилланган масканда бўлиб, бу ерда яратилган шароитларни кўздан кечирди.
Туманнинг барча ҳудудларидаги ўрганишлар давомида хўжаликлардаги “наряд” ва “отряд” усулида ташкил этилган ишлар билан ҳам танишилмоқда. Масъулларга эса механизаторлар, ишчилар учун барча қулайликлар яратиб бериш вазифалари топширилиб, мавжуд камчиликлар аниқланган ҳолатда уларни бартараф этиш учун аниқ муддатлар белгиланмоқда.
