Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ғани қишлоғида электр таъминоти яхшиланмоқда
2023-03-27 16:06:33 66
Ўзбекистон тумани “Элчи” маҳалла фуқаролар йиғини Ғани қишлоғидаги мавжуд 180 га яқин аҳоли хонадонлари электр таъминотини яхшилаш борасида амалий тадбирлар бажарилмоқда.
Туман электр таъминоти корхонаси томонидан амалга оширилаётган мазкур қурилиш-монтаж ишлари Президентимизнинг 2022 йил 25 октябрда қабул қилинган “2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги қарори ижроси доирасида ташкилланган.
Лойиҳа асосида қишлоққа 67 та янги темир-бетон таянчлари ўрнатилди. Энергетиклар айни кунларда мазкур таянч устунларига 1 минг 400 метрдан зиёд замонавий турдаги СИП кабеллари-янги ҳаво тармоқлари тортиш ишлари билан банд.
Навбатида 160 кВАли янги трансформатор ҳам ўрнатилиб, амалий тадбирлар натижасида маҳалладаги мавжуд 358-сонли трансформатор юкини енгиллатиш ва аҳолининг сифатли электр энергиясига бўлган талабининг қондирилишига эришиш мақсад қилинган.