Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ўзбекистон туманида фаолият кўрсатаётган йирик цемент заводининг иккинчи босқичи қурилишига киришилди
2023-03-17 00:09:28 155
Ўтган 2022 йилнинг октябр ойида Ўзбекистон туманидаги Кичик Тагоб МФЙ ҳудудида “Shaffof Sement sanoat” МЧЖ Ўзбек-Хитой қўшма корхонаси томонидан йилига 450 минг тонна цемент ишлаб чиқариш қувватига эга цемент заводи ишга туширилган эди. Қиймати 30 миллион доллар бўлган ушбу лойиҳанинг амалга ошилириши натижасида 300 дан зиёд янги иш ўринлари яратилиб, унинг тантанали очилиш тадбирида Фарғона вилояти ҳокими Хайрулло Бозоров иштирок этган эди.
Наврўз байрами арафасида айни заводнинг иккинчи босқич қурилиши ишларига киришилди. Шу муносабат билан ташкилланган тадбирда вилоят ҳокимининг биринчи ўринбосари Авазбек Ўринбоев, туман сектор раҳбарлари, завод ишчи ходимлари, жамоатчилик вакиллари ва оқсоқоллар иштирок этди.
Лойиҳа қиймати 80 миллион АҚШ доллари бўлган иккинчи завод ишга тушгач, йилига қўшимча 1 миллион тонна сифатли портланд цемент ишлаб чиқарилади. Корхона маҳсулотлари ички бозор талабларини тўлдириш билан бирга хорижга ҳам экспорт қилинади. Корхонада 500 дан ортиқ маҳаллий аҳолининг бандлиги таъминланади.
Шу куни эзгу ният ва хайрли дуолар билан заводнинг янги босқичи қурилишига тамал тоши қўйилди.
