Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Буюк шоир ва мутафаккир таваллуди кенг нишонланмоқда
2023-02-09 15:54:54 83
Ўзбекистон туманида сўз мулкининг султони Ҳазрат Мир Алишер Навоий таваллудининг 582 йиллиги кенг нишонланмоқда. Шоир ҳаёти ва ижодий фаолиятига бағишланган турли адабий кечалар, мушоиралар, давра суҳбатлари, маънавий-маърифий тадбирлар ўтказилмоқда.
Яйпан шаҳридаги 23-сонли болалар мусиқа ва санъат мактабида буюк бобокалонимиз таваллудига бағишланган маънавий-маърифий тадбир ўтказилди.
Унда туман ҳокимлиги, халқ таълими бўлими мутасаддилари, маънавият тарғиботчилари, аҳоли вакиллари ва ўқувчи ёшлар иштирок этди.
Тадбирда буюк мутафаккир ижодининг ўзига хос жиҳатлари хусусида сўз юритилди. Сўз мулкининг султони, давлат ва жамоат арбоби Алишер Навоий ижоди ва ҳаёт йўли орқали бутун инсониятга улкан мерос қолдиргани, уни ўрганиш ёш авлодни комил инсон сифатида тарбиялашда муҳим аҳамият касб этиши таъкидланди.
Бадиий кечада тумандаги 22-умумтаълим мактаби ўқувчи ёшлари ҳамда устоз-мураббийлари жамоаси томонидан тайёрланган дастур, шоир асарлари асосида яратилган саҳна кўринишлари намойиш этилиб, Навоий ғазалларидан намуналар ўқилди, қўшиқлар ижро этилди.
