1. Bosh sahifa
2. Yangiliklar

"Хотамтой" маҳалласининг ободликка юз тутаётган манзиллари

×

Ўзбекистон туманидаги “Хотамтой” маҳалла фуқаролар йиғинида “Обод қишлоқ” дастури асосида кенг кўламли бунёдкорлик ишлари қизғин давом этмоқда.

2680 нафардан зиёд аҳоли истиқомат қиладиган маҳалланинг ҳудуд, кўча ва масканлари бўйлаб кенг кўламли қурилиш-ободонлаштириш ишлари олиб борилмоқда.

Хусусан, сўнгги кунларда Хотамтой ва Қозиқузот қишлоқларига 25 ҳамда 50 кубометр сиғимли 2 та янги ичимлик суви минораси ўрнатилди. Йиғин аҳолисини тоза ичимлик суви билан таъминлаш мақсадида бугунги кунга қадар 12 километрдан зиёд тармоқ тортилиб, қурилиш-монтаж ишларининг якуний жараёнлари амалга оширилмоқда.

Маҳалланинг “Бахт”, “Омад” ва “Тинчлик” каби кўчалари ички йўллари 1,2 км.га яқин асфальтланиб, 2,2 км.дан зиёд қисмида цемент-бетон қопламали йўллар қурилди. 

Айни кунларда маҳалланинг “Бахт” кўчаси бўйлаб 1,8 километр масофада шағаллаштириш ишлари бажарилмоқда.

Дастур доирасида ҳудуд инфратузилмасини яхшилаш, бунёдкорлик, ободонлаштириш ишлари, аҳоли турмуш фаровонлигини юксалтиришга қаратилган амалий тадбирлар маҳаллада жадаллик билан давом эттирилмоқда.